الاصدقاء حقا

بصو بقي
انا هحكيلكم علي صديقي الجديد وفي محل اخي الصغير
امير الهدوء
في يوم كنت مخنوقه جدا
ومش طايقه نفسي صراحه
وطبعا الكابتن احمد بيدخل عشان يشوف المدونات
دخل علي مدونتي ولقيت الشات فتح
لقيته احمد وانا بصراحه لما اكون مخنوقه مش ببقي مرزكة ولا طايقه اتكلم كتير
المهم الكابتن احمد حاول يخرجني من الي انا فيه بس كنت علي اخري بجد
اتفق معايا علي حاجه
نطفي نور الغرف ونرسم اي رسمه ومش نشوفها الا لما تخلص
ونشوف جوانا ايه هيطلع علي الورق
وبعد الاحاح مش قدرت طبعا اقول لا
قومت رسمت مع اني اعتبر فاشله شويه في الرسم
واحمد بردو رسم رسمه
بس انا هوريكو رسمته هو انا رسمتي هنزلها في بوست تاني
دي رسمه احمد رسمها وبعد ما فتح النور فضل يضحك علي رسمته

ايه رايكم؟؟؟؟؟؟؟
شكرا جزيلا الي صديقي العزيز

و شكر كبير اخر لصديقتي الجميله صاحب مدونه من اجل الحب
ربنا يخليلي كل اصحابي
شكرا لكا الاصدقاء الي بيدخلو وبيعلقو وبيسالو عليا
طبعا روفي دي حاجه تانيه
مش بتنسي حد وعلي طول معايا وديمن متبعاني
بجد شكرا لكل الاصدقاء وانا بحمد ربنا انه عرفني
علي حاجه اسمها مدونات عشان اتعرف علي اصدقاء بجد زيكم شكرا ليكم

نبيك محمد

اولا النشيد دة مش انا الي كتباه دي بنت كانت معايا في اعدادي
كانت بتليقهولنا وانا كتبته كنت برتاح جدا لما اسمعه


بعنوان

نبي محمد

نبي محمد بعتلك رساله

وجوة الرساله

**************

بلادك ولادك
في حاله غضب
في حاله عجب

عشان اليهود بقي لهم وجود
في ارض الرساله

في ارض الخلود
في حاف

في حافا و يافا وفي القدس
داسو عيون المساجد

وقتلوا الي راكع و قتلو الي ساجد
وهدموا البيبان

وسكتوا الاذان
ولولا الامانه وعمق الايمان

لكان عقلي دل
و اكن قلبي دل

نبي محمد يا صادق
يا امين . اشفع لي

عند ربي واشفع للعالميين

تاج الصراحه

اولا التاج دة من الجميله فاطمه صاحبه مدونه

wa7di

لو اعطيتك ثلاث وردات من هم الثلاث اشخاص الي هتديهم الورد؟

*1_ماما
2_بابا
3_مامت ماما الله يرحمها


لو اعطيتك ورقه فيها ثلاث سطور فقط وقلتلك اكتب فيهم الي انت عايزة هتكتب ايه؟

*ليت قلبي لم يدق لقلب لم ولن يدق بصدق لاحد اسفي لك يا قلبي فقد جنيت عليك بيدي
ارجو من الله ان يشفي امي و يقوي ابي ويهدي اخوتي ويميتنا علي دين الاسلام
نفسي يعدي يوم بالي يرتاح محتاجه لحضن حنين ينسيني الدنيا وما فيها


ما هو هدفك في الحياه؟

*طبعا الاول رضي ربي قبل كل شئ
ورضي والدي ووالدتي


ان شاء الله بكرة هيكون احسن من النهاردة هل تصدق هذه المقوله؟ ولماذا؟

*هو طبعا كل شئ في الحياه باذن الله بتكون بس انا كل الي فات من عمري كان
الحمد لله حزنه اكتر من فرحه
بس هستني باذن الله بكرة الي هيكون احسن ربنا يقويني واشوفه
انا عارفه ان ربنا لما بيحب حد بيبتليه وانا املي في ربنا كبير


اجمل مقوله سمعهتا في حياتك؟

*خلي املك في ربنا كبير


من المغني الي بتحبه اوي وايه احلي اغنيه ليه بتحبيها؟

*هو مش مغني هي مغنيه هي سيلين ديون والاغنيه هي اغنيه (am alive) بتحسسني بالحريه

غزة تمثل ايه في حياتك؟

*عشقي الرابع بعد مكه والسعوديه وطبعا بلدي وغزة


اعطي لائنتمائك لوطنك درجه من المائه؟

*100%


لو تزوجتي وانجبتي بتين وولدين اي الاسماء تختاري لهم؟

*البنات: حبيبه ؛ بلسم
الولاد:محمد ؛ احمد
*ملحوظه اجري تعديل لاسم بنت من البنات لاني اكتشفت اسم احلي بلسم اجمل


عمرك غشيت في امتحان وانت صغيره؟

*لا الحمد لله بس كنت ساعات بغشش

لو اتعرض عليك رشوة كبيرة وانت في زنقه ماليه هتعمل ايه؟

*ربنا يغنيني عنها بالحلال ان شاء الله اموت وبعدين مفيش كرب الا وربي يفرجه علينا باذن الله
يبقي هشتري الدنيا بالاخرة لا طبعا


قول 3 صفات ب3 كلمات بس توصف بيهم شخصيتك(يعني كريم طيب رخم كدة)؟

*هو المفروض ان مش انا الي اقول علي نفسي المفروض صحابي هما الي يقولو
بس هما ديمن بيقولو اني:
حنينه ؛ عصبيه ؛ جدعه


لو مرتب ليك كان كبير قوي يكفي تجيب اغلي هديه هتجيب لكل فرد في عيلتك ايه؟

*اولا بابا وماما وخالتو وانا معاهم طبعا دة منايا حج او عمرة ربنا يقدرني
واخواتي الي هما عايزينه انا اصلا بحب اخواتي زي ميكونو ولادي
مع اني بحب البنات اكتر بس اهه نصيب الحمد لله


برضه بكلمه واحده ايه اهم صفه عايزة في شريك حياتك؟

*حنين ويراعي ربنا


ايه المجال الي غير دراستك وشايف نفسك فيه قوي حتي لو كان الرسم علي الحيطه؟

*خدمه العملاء نفسي اشتغلها بس شكلي مليش نصيب الحمد لله


بتحب السفر؟

*طبعا


طب دلوقتي حالا ايه المكان الي نفسك تكون فيه؟

*الجنه طبعا ربنا يكتبهالنا كلنا بس قبل مروح الجنه احج او اعمل عمرة


تمرر التاج دة لمين؟

*لكل صحابي الي بيدخله المدونه
يعني والي عندهم مدونات طبعا
الفرعونه العاشقه
امير الهدوء
اسير الجراح
احساس لسه حي
من اجل الحب
توته
بونجو
امراة من قلب حجر
احنا وهما
طبعا الي مزكرتوش يبقي لقيت البوست عنده
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اذكر 10اشياء عن نفسك؟

عصبيه
مجنونه شوي
طفله حبتيين
بموت في الاطفال
رومنسيه
بحب القراءة اوي
حساسه لدرجه اني بتاثر بالافلام والقصص واعيط واضحك مع ابطلها
لما بحب بحب بجد
متسرعه او متهورة
علي فكرة الصفات دي راي بابا ههههههههههه
هو ادري

اختار اشخاص تهدي لهم التاج؟

هما هما الي فوق وصحابي الي مش عندهم مدونات عرفين طبعا انهم هيردو في النعليقات محدش عنده حجه

الرومنسيه المجروحه

اولا البوست دة اهداء لحبيبتي وصديقتي المخلصه رغدة

اكتر حاجة ممكن تجرح القلب لما حبيبك ميحسش انت بتحبه قد ايه
والاصعب انك متقدرش تقوله انت بتحبه قد ايه
اصعب احساس لما رمنسيتك تتخنق جواك لانك متعودتش تطلعها
او انك تخاف تطلعها حبيبك ميحسهاش اصعب مشاعرفعلا
هي الي تكون مخنوقه جوا قلبك وحبيبك ميحسهاش
انا ليا اعز شخصيتين من اعز صحابي بيعانوا من المشكله دي
وخسرو احب الناس لقلوبهم لانهم مش بيقدرو يقولو الي جواهم
بس في حاجه في رائي انا ليه الحبيب ميحسش بالي في قلب حبيبه
مش بردو المفروض انا الي بيحبو بعض بيكملو بعض
ليه ميحسوش بالي في قلوب حبيبهم من غير ميقولو
وبعدين يلموهم ليه ميحولش هو الي يطلعها بحبه وحنانه
ليه ميزرعش الامان في قلب حبيبه ووقتها بس هتطلع ارق واجمل معاني الحب
نداء لكل قلب محسش بحبيبه وضيعه من ايده انك تلاقي حب صعب
انك تلاقي قلب يحبك صعب الاصعب لما تضيع قلب بيحبك وبتحبه من ايدك

الرحمه

لا اعلم ماذا اقول ففي قلبي انين لا ينتهي
لا اعلم كيف استطعت العيش حتي الان لقد ارهقني الانين من جراحي
مرضت من كذب البشر هذا يقول ولا يفعل وذاك يكذب
وذاك يداوي جراحه بجروح الاخرين هذا حرام
لما كل هذا الاننا بتنا نفتقر الحنان نفتقر الامان نجرح
ونقول لسنا بمخطئين نرمي الناس بالتهم ولا نأبه بهم
نحيا في عذاب وقد بتنا نستعذبه
كل قلب يدمي قلب اخر ويقول ما انا بفاعل هذا ظلم
جحود افتراء بلاء حرام علي كل البشر عذابات كل البشر
لقد مات القلب من جروحه فهل من يد حانيه تشفي القلب
من عذابات جروحه الرحمه ايها البشر الاموات الاحياء
اموات القلوب احياء الاجساد ارحمو قلوب من اخلصو لكم لما الجراح
الرحمه انادي الرحمه في قلوبكم الرحمه

اهداء الي صديقي اسير الجراح