تاج تدبيسه من بيبه حبيبتي

التاج ده جالي من اجمل بيبه
ههههههه
صاحبه مدونه قصاقيص حبيبه

استعني علي الشقاء بالله
ونبتدي

س1-اذكر 6 اسرار قد لا يكتشفها من يقابلك لاول مرة
حزينه اوي
عصبيه اوي
مجنونه اوي
بيقولو طيبه
مبحبش الف والدوران
بكرة الظلم للاسف انا اكتر واحده بتظلم


س2-اذكر 16صفة عن نفسك
16 يا نهار ابيض اجبهم منين دول
يلا هنفضح هنتفضح ما علينا
عصبيه دي اساسي معلش استحملوني بقي
طيبه شويه
ساعات بتهوان في حقي لما يكون شخصيه بحبها جدا بس غير كدا ممكن اكل اي حد يدوسلي علي طرف
رومنسيه
ساعات بكون سوسه ههههههههه
بثق في الناس بسرعه ودي مصيبه بعاني منها
مبعرفش اطلع كل الي جويا وديمن في شئ بيخنقني
بحس ساعات اني عمري ما هفرح ولما بفرح بفتكر انها هتدوم وبرجع اتكسر
حنينه بس لما بقلب بتبقي قلبه سودا
بتحمل كتير بس لكل انسان طاقه ولما بتنفز بتضيع كل الي بناه انا كدا
بحب الاكسسورات اوي ونفسي اتعلم اعملها بس مبعرفش
بحب الخياطه بردو وتصميم الازياء وكدا بس بردو مش عارفه اتعلم اذاي
بحب الاطفال جدا والفتره دي بقيت مجنونه زياده بيهم ومحدش يسالني ليه
مبحبش الدموع بس في نفس الوقت ساعات بحتجلها مش بلاقيها
محبش الظلم بيكسرني اني اظلم او اشوف حد بيظلم
بحب اشوف الناس وهي بتحب بعض يعني اشوف الحبيبه بحس ان الدنيا لسه فيها حب بجد

س1-بدأت تدون من امتي ؟ و دخلت العالم ده ازاي ؟
24/2/2008
عرفت المدونه بتاعت زميل ليا كانا متطوعين في الدورة العربيه للرياضه
عجبتني عملت واحده الي هي قلب شبح وبعدين عملت مدينه الملائكه

س2-ايه كان انطباعك في البداية ؟
شئ جميل رائع كنت سعيده جدا

س3-مين اكتر واحد بتهتم بتعليقه علي بوستك الجديد ؟
كل الناس انا بحب التعليقات وبكون مبسوطه جدا لما القي حد علق عندي وبنكون مبسوطه اكتر لما يكون اول مرة

س4-ايه أهم حاجة اتعلمتها من عالم التدوين ؟
فيه كدب كتير للاسف
بس بردو في ناس صادقه جدا

س5-ايه أكتر حاجة كرهتها ؟
الكدب والنفاق

س6-حاسس ان التدوين له تأثير ؟
اكيد طبعا تاثير كبير جدا وبدليل مدونات مصريه للجيب بتلاقي نجاح كبير

س7-تهدى التاج لمين؟
لاي حد يحب ياخده